វាចាអ្នកស្នេហាជាតិ-ច្រៀងដោយ មាស ហុកសេង November 22, 2014
Posted by អ្នកស្រែ in ជីវិតប្រចាំថ្ងៃ.add a comment
លាឪទៅធ្វើសង្គ្រាម ច្រៀងដោយអ្នក សូ-សាវឿន November 22, 2014
Posted by អ្នកស្រែ in ជីវិតប្រចាំថ្ងៃ.add a comment
១. កូនសូមលាឪទៅធ្វើសង្គ្រាម ដើម្បីសងឈាមទាមទារទឹកដី
ឈាមខ្មែរច្រើនណាស់ ក្មេងចាស់ប្រុសស្រី ស្រែកហៅរាល់ថ្ងៃ
កូននៅម្ដេចបាន។
២. សូមម៉ែកុំឃាត់ ណាម៉ែសំលាញ់ កូនត្រូវតែបាញ់ៗចោរ
ឈ្លានពាន អាករហត់ឈាមដូចចិត្ដស្រេកឃ្លាន នារីទាហាន
ការពារទឹកដី ។
R. កូនអុជធូបផ្សងៗដល់ព្រះពុទ្ឋ ឲ្យយ័នសក្ដិសិទ្ឋ
ជួយឲ្យពរជ័យ មានទាំងតេជេព្រះពុទ្ឋបារី ឲ្យមាន
ថ្មីដៃលើខ្លាំងសត្រូវ។
៤. ខ្មែរមានកេរ្ដិ៍ឈ្មោះពីរោះពិត ខ្មែរត្រូវកំចាត់ពួកចោរ
អាស្រូវ ខ្មែររួមសាមគ្គី ដើរឲ្យត្រង់ផ្លូវ ឯករាជ្យ ត ទៅ
យើងបានសុខអើយ …៕
បទ៖ ជាតិនេះមានកម្ម – រស់ សេរីសុទ្ឋា November 18, 2014
Posted by អ្នកស្រែ in ជីវិតប្រចាំថ្ងៃ.add a comment
បទ៖ ជាតិនេះមានកម្ម – រស់ សេរីសុទ្ឋា
កម្រៀងចម្រៀងពីសម័យដើមដ៏ពេញនិយមរបស់ប្រជាជនកម្ពុជា សូមរីករាយស្ដាប់កំសាន្ដ ហើយជួយរក្សារនៅទឹកដមអ្នកចម្រៀងដើមរបស់យើងផង ។ សូមអរគុណ !!
កុំធ្វើបាបបង-ច្រៀងដោយអធិរាជសំឡេងមាស ស៊ុន ស៊ីសាមុត November 16, 2014
Posted by អ្នកស្រែ in ជីវិតប្រចាំថ្ងៃ.add a comment
១» យកដៃអោបទ្រូង បេះដូងរន្ធត់ ទ្រូងញាប់ញ័រចំប្រប់ បង្កប់រឿងអាថ៌កំបាំង
ព្រះពាយ បក់បោកមកយ៉ាងខ្លាំង វិញ្ញាណភាំង បាំងសេចក្តីបំណង២» អើតតាមបង្អូច លួចសម្លឹងឆ្ងាយ អកមួយគូសប្បាយ រីករាយនៅលើបង្គង
ថ្នាក់ថ្នមលួងលោមអូនបង ប្លែកតែនួនល្អង បែខ្នងចោលបងឯកាR» កុំធ្វើបាបបង ក្រែងពៀរវាឆ្លងណាមុំ ទុកអោយរូបខ្ញុំ មានទ្រនំផងណា
បើអូនមានថ្មី ចរណៃតាំងចិន្តា កុំប្រាប់អ្នកណា រឿងស្នេហាអតីត៣» ក្នុងមួយជាតិនេះ ខ្ញុំខុសអស់ហើយ សូមផ្សងកើតជាតិក្រោយ អោយជួបស្នេហ៍មានសេរី
បើសិន ស្នេហ៍យើងមាននិស្ស័យ ជាតិណាក្តី ចាប់ដៃគ្នាលុះអវសាន្ត
លទ្ឋផលបរាជ័យ នៅថ្ងៃទី១២វិច្ឆិកា ២០១៤ November 13, 2014
Posted by អ្នកស្រែ in ជីវិតប្រចាំថ្ងៃ.add a comment
អស់រយះកាលប្រហែល ២ខែ ដែលខ្ញុំបានខិតខំតស៊ូដើម្បីបានសម្រេចគោលបំណងរបស់ខ្ញុំ បំណងនោះគឺសិក្សាភាសាកូរ៉េដើម្បីប្រលងតេស្ដសម្ថភាពទៅធ្វើការនៅប្រទេសកូរ៉េ។ គំនិតមួយនេះបានគិតជាយូរខែឆ្នាំមកហើយ ថានិងតាំងចិត្ដសិក្សាព្យាយាមដើម្បីឲ្យបានជោគជ័យ ។
តែផ្ទុយស្រលះ អ្វីៗត្រូវបានបរាជ័យទាំងស្រុង លទ្ឋផលថ្ងៃទី ១២ វិច្ឆកា ២០១៤ បានចេញប្រកាសបានរយះ ហ្វេសប៊ុក ដែលបានបេក្ខជនជិត ៥ពាន់បានជាប់។ ចំណែករូបខ្ញុំ មិនត្រូវបានបង្ហាញឈ្មោះក្នុងតារាងឡើយ គឺត្រូវបានធ្លាក់ ខ្ញុំពិតជាអស់សង្ឃឹមមែនក្នុងជីវិតមួយនេះដែលមិនបានសម្រេចដូចអ្វីដែលខ្លួនគ្រោងទុក។
ខ្ញុំត្រូវបានបាក់ទឹកចិត្ដមួយរំពិចបន្ទាប់ពីមិនឃើញឈ្មោះរបស់ខ្លួន នៅលើក្រដាស់ដែលគេបានប្រកាស ខ្ញុំមានអារម្មណ៍មួរម៉ៅ រកគិតអ្វីមិនចេញ ខ្ញុំមិនទទួលទូរស័ព្ទរបស់មិត្ដដែលរៀនភាសាកូរ៉េជាច្រើននាក់ ខណៈដែលពួកគេបានខលមកខ្ញុំ ។ ខ្ញុំព្យាយាមនៅម្នាក់ឯងហើយរកកន្លែងដែលស្ងប់ស្ងាត់ ខ្ញុំខំប្រឹងបន្លប់ខ្លួនឯងដោយស្ដាប់ដូរតន្រ្ដី មើលរឿង និងធ្វើអ្វីៗផ្សេង ។
តែផ្ទុយទៅវិញចិត្ដមួយនេះនៅតែមានៈខ្លាំងបំផុត ទោះខ្ញុំខំប្រឹងបើកហ្វេសប៊ុក អូសចុះ អូសឡើង រហូតដល់ខ្ញុំត្រូវ បិទ (Deactivated) ហ្វេសប៊ុក មួយចោល ព្រោះពេលបើកឡើងឃើញតែមិត្ដភក្ដិដែលបានសរសេរ សាររីករាយដែលពួកគេបានជាប់ដោយជោគជ័យ ជាច្រើនលោតនៅលើ ថែមលាញ របស់ខ្ញុំ។ ខ្ញុំពិតជាគ្មានអ្វីឆ្លើយតបទៅនិងពូកគេនោះឡើយ ខ្ញុំពិតជាអស់សង្ឃឹមទៅនិងអ្វីដែលខ្លួនធ្វើមិនបាន។
គោលគំនិតរបស់មនុស្សយើងដែលធ្វើអ្វីមិនបានដូចបំណងតែមានក្ដីអស់សង្ឃឹម គ្មានសតិក្នុងខ្លួនគិតអ្វីទៅមុខមិនកើត។ តែទោះជាយ៉ាងចិត្ដខ្ញុំនៅតែមិនអស់ចិត្ដនៅឡើយ ព្រោះរយះពេល២ខែ វាពិតជាខ្លីណាស់សំរាប់រូបខ្ញុំ ដែលបានរៀនភាសាកូរ៉េនេះ ដូចនេះវាពិតជាត្រឹមត្រូវណាស់ដែលធ្លាក់ ។
ជាចុងក្រោយនៃប្រយោគមួយនេះ តើគោលបំណងរបស់ខ្ញុំពិតបានសម្រេចដែររឺទេ? រឺមួយបានតែគិតហើយបោះបង់ចោលទទេរ មែនទេ? ឬឈានជើងចូលហើយ ត្រូវដកជើងមកវិញ ?
អ្នកស្រែស្នេហ៍ស្មោះ 